Туркиянинг "Трабзонспор" клубида ижара асосида тўп тепаётган дарвозабон Андре Онана яна "Манчестер Юнайтед"га қайтишга умид қилмоқда.
Камерунлик футболчи жорий мавсум бошида "қизил иблислар" сафини тарк этди, унинг ўрнини эса Сенне Ламменс эгаллади. Тахминларга кўра, манкунианлар бельгияликни узоқ йиллар давомида "биринчи рақамли" деб билишади, аммо Онана таслим бўлмайди. The i Paper Sport хабарига кўра, 29 ёшли дарвозабон келаси йили ижарадан қайтгач, "МЮ"нинг асосий таркибидан жой олиш учун курашмоқчи.
"Трабзонспор" сафида саккизта ўйинда Андре Онана еттита гол ўтказиб юборди ва уч марта дарвозани дахлсиз сақлаб қолди.
