"Ливерпуль" ўнг қанот ҳимоячисиз қолди - Жереми Фримпонг ҳам, Конор Брэдли ҳам жароҳатланганлар сафидан жой олди. Ҳолат юзасидан жамоа бош мураббийи Арне Слот изоҳ берди.
"Собослаи ҳар қандай позицияда яхши ўйнайди. У ҳам фулбэк, ҳам ярим ҳимоячи сифатида ажойиб ҳаракат қилади. Жонс ҳам ўнг қанот ҳимоясида ўйнай олади. У ерда Гомес ҳам ўйнаши мумкин. 2025 йилда у ушбу позицияда 90 дақиқадан иккита ўйин ўтказди. Вазият осон эмас, лекин яхши янгилик шундаки, бизда етарлича футболчилар бор. Эҳтимол, бир-иккитаси ўзларининг одатий позицияларида ўйнамаслиги мумкин," - деди Слот матбуот анжуманида.
"Ливерпуль" шанба куни Премьер-лига доирасидаги "Ноттингем Форест"га қарши уй учрашувини ўтказади.
