Мадриднинг "Реал" клуби ҳужумчиси Винисиус Жуниор барибир шартномани узайтиради.
25 ёшли бразилияликнинг амалдаги келишуви 2027 йилда ўз ниҳоясига етади, бироқ томонлар янги битим бўйича дастлабки келишувга эришган, деб хабар беради Diario AS.
Кўплаб миш-мишларга қарамай, сўнгги "класико"да футболчи иккинчи бўлимда ўзгаришга кескин муносабат билдиргани қарорга ҳеч қандай таъсир кўрсатмади.
Винисиус Жуниор "қаймоқранглилар" сафида жорий мавсум барча мусобақаларда 16 та ўйинда 5 та гол ва 4 та голли узатмани амалга оширди. Футболчи 2018 йилдан бери "қироллик клуби" шарафини ҳимоя қилиб келмоқда.













