"Барселона" форварди Роберт Левандовски "Камп Ноу"га қайтганидан кейин биринчи гол муаллифига айланди. Польшалик футболчи шанба куни бўлиб ўтган Бильбаонинг "Атлетик" клубига қарши ўйиннинг 4-дақиқасида рақиб дарвозасини ишғол қилди. Қолган дақиқаларда каталонияликлар яна 3 та гол уриб, йирик ғалабани қўлга киритишди - 4:0.
"Ниҳоят "Камп Ноу"га қайтдик, биз учун бу алоҳида кун. Биз жуда хурсандмиз ва айниқса, ўйин бошиданоқ ўзимизни кўрсата олганимиздан хурсандмиз. Бу ерда биринчи голни уриш - ақл бовар қилмайдиган ҳиссиёт, бундан фахрланаман," - деди журналистлар билан суҳбатда 37 ёшли ҳужумчи.
