"Арсенал" бош мураббийи Микель Артета "Тоттенхэм"га қарши дербида (4:1) ҳет-трик қайд этиб, жамоасига йирик ғалаба келтирган Эберечи Эзе ҳақидаги саволларга жавоб қайтарди.
"Бу факт дербида гол уриш қанчалик қийинлигини яққол кўрсатиб турибди, лекин ростини айтсам, бугун Эзе тўрт ёки беш марта гол уриши мумкин эди. Сеҳрли лаҳзаларни яратишга қодир ўзига хос ўйинчи.
Андреа Берта ёзда жуда яхши ишлади, чунки ҳозир бизга кўплаб муҳим ўйинчилар етишмаяпти. Яхшиямки, Мартинелли ва Мадуэке яқинда қайтишди", - деди Артета интервьюда.
Эберечи Эзе "канонирлар" сафида 16 та ўйинда 5 та гол ва 3 та голли узатмани амалга оширди.
