Мадриднинг "Реал" клуби Ла Лига 13-туридан ўрин олган "Эльче"га (2:2) қарши сафар ўйинида ғалаба қозона олмади.

"Бу футбол. Сўнгги пайтларда натижаларимиз кўнгилдагидек эмас, ўзимиздан қониқмаяпмиз, аммо олдинда ҳали кўп ўйинлар бор. Жамоа тарқалиб кетмади - биз курашишда давом этамиз. Ҳар бир ўйиннинг ўз контексти бор. Биз ўз-ўзимизни танқид қиламиз ва яхшироқ чиқиш қилишимиз мумкинлигини жуда яхши биламиз. Қийинчиликларга тўғри муносабатда бўлиш муҳим", - деди матбуот анжуманида "Реал" бош мураббийи Хаби Алонсо.

Мадрид гранди 32 очко билан жадвалда пешқадамлик қилмоқда. Кейинги ўринларда "Барселона" (31), "Вильярреал" (29) ва "Атлетико" (28) бормоқда.