"Интер Майами" МЛС плей-офф чорак финалида "Цинциннати"га ҳеч қандай имконият қолдирмади (4:0).
Лионель Месси жамоасининг барча тўртта голида иштирок этди: 38 ёшли ҳужумчи бир марта ўзи гол урди ва уч марта шерикларига голли пас узатди.
"Баракалла! Доим қийиналадиган рақибимизга қарши ажойиб ўйин. Яна бир қадам," - деб ёзди аргентиналик учрашувдан кейин ижтимоий тармоқларда.
"Интер Майами"нинг ярим финалдаги рақиби "Филадельфия Юнион" ёки "Нью-Йорк Сити" бўлади.













