"Анжи" собиқ бош мураббийи Гус Хиддинк Россия чемпионатининг олти ўйинига дисквалификация қилинди. Бу тўғрисида тартиб-интизом қўмитасининг бугун ўтказилган йиғилишида қарор қилинган.
Россия премьер-лигасининг 2-тури доирасидаги "Динамо"га қарши ўйинга қўшиб берилган дақиқада Хиддинк заҳира ҳаками Роман Черновни туртиб юборган. Голландиялик мутахассис "Анжи" дарвозасига белгиланган пенальтига нисбатан шундай реакция кўрсатганди.
Эслатиб ўтамиз, душанба куни Хиддинк "Анжи" бош мураббийи лавозимини тарк этганди.