"Сантос" ҳужумчиси Неймар Бразилия А Сериясининг 35-туридан ўрин олган "Интернасьонал"га қарши 25 ноябрь кунги ўйинни ўтказиб юборади. Бу ҳақда Globo Esporte хабар бермоқда.
Маълум бўлишича, 33 ёшли футболчи "Мирасоль"га қарши ўтган ўйинда чап тиззасида ноқулайлик сезган. Мураббийлар штаби футболчига дам беришга қарор қилди, шунда у "Сантос" "Спорт Ресифи"ни қабул қиладиган кейинги турга тайёр бўлади.
37 очко билан турнир жадвалида ўн еттинчи ўринда бораётган "Сантос" учун "Интернасьонал"га қарши ўйин катта аҳамиятга эга. "Интернасьонал" 40 очко билан ўн бешинчи ўринда.
Жорий мавсумда Неймар чемпионатнинг 17 ўйинида 4 та гол урди.
