"Атлетико" бош мураббийи Диего Симеоне Чемпионлар Лигасининг "Интер"га қарши ўйинидан нималар кутаётгани ҳақида гапирди.
"Интер" жуда сифатли ўйнайдиган жамоа, уларнинг ўз ўйин услуби бор. Рақибнинг таркиби шунчаки ажойиб. Дам олиш кунларидаги "Милан"га қарши ўйинда улар бутун учрашув давомида устунлик қилишди, кўплаб вазиятлар яратишди ва ғалаба қозонишлари мумкин эди. Чемпионлар Лигасида уларнинг статистикаси ўз-ўзидан кўриниб турибди", - деди Симеоне.













