Лондоннинг "Арсенал" клуби бош мураббийи Микель Артета ҳамкасби - "Бавария" бош мураббийи Венсан Компани ҳақида гапирди.
"Мен Венсан қайси соҳада бўлишидан қатъи назар, ҳамма нарсада устун бўлишини олдиндан сезгандим ва у учун ҳамма нарса шундай муваффақиятли бўлганидан жуда хурсандман. Унда харизма, интеллект, ўйинга муҳаббат, иш қобилияти бор. У нимага қўл урмасин, буни ҳақиқатан ҳам яхши бажаришини билардим," - дея Артетанинг сўзларини келтиради "Арсенал" матбуот хизмати.
Эслатиб ўтамиз, Компани "Бавария" сафида иккинчи мавсумни ўтказмоқда. Ўтган мавсум якунларига кўра, мюнхенликлар унинг қўл остида Бундеслига чемпионлигини қайтариб олишди.
