"Лидс" бош мураббийи Даниэл Фаркенинг фаолияти катта хавф остида. Бу ҳақда indykaila News хабар бермоқда.
Манбага кўра, тез орада "Лидс" раҳбариятининг учрашуви бўлиб ўтади ва унда Фаркенинг клубдаги келажаги ҳал қилинади. Мураббийнинг истеъфога чиқарилиши ҳақидаги миш-мишлар анчадан бери мавжуд, аммо айнан ҳозир мутахассис истеъфога чиқишга яқин турибди.
"Лидс" Чемпионшипдан қайтганидан кейин Англия Премьер-лигасидаги илк мавсумини ўтказмоқда. Ўтказилган 12 тур якунига кўра, жамоа турнир жадвалида 18-ўринда бормоқда. Ушбу оралиқда "товуслар" атиги 11 очко жамғаришди.
