"Челси" бош мураббийи Энцо Мареска Чемпионлар лигасида "Барселона"га (3:0) қарши ўйиндан кейин жамоанинг ўсишини баҳолади.
"Клублар ўртасидаги жаҳон чемпионатидаги ғалаба футболчиларимизга ишонч бағишлади. Ўтган мавсумда Конференциялар Лигасида ўйнадик ва мен футболчиларимизга ғалаба менталитети шаклланиши учун ғалаба қозонишимиз шартлигини айтгандим. Қайси турнирда ўйнаманг, ягона йўл - ўйинларда ғалаба қозониш. Фақат шундагина керакли кайфият пайдо бўлади. Ҳозир биз ўтган мавсумдагидан яхшироқ ўйнаяпмиз," - дея Маресканинг сўзларини келтиради The Touchline.
"Челси" ҳисобида Чемпионлар Лигаси умумий босқичининг 5 туридан кейин қўлга киритилган 10 очко бор. "Кўклар" турнир жадвалида бешинчи ўринни эгаллаб турибди.
