Қозоғистоннинг "Қайрат" клуби бош мураббийи Рафаэл Уразбахтин Даниянинг "Копенгаген" клубига қарши ўйинини сарҳисоб қилди. Мусобақа умумий босқичининг 5-туридан ўрин олган ўйин 3:2 ҳисобида "Копенгаген"га ғалаба келтирди.
"Биринчи бўлимда жуда пассив эдик - кўплаб яккакурашларда мағлуб бўлдик. Рақиб тўпни назорат қилишда ҳам, хоҳишда ҳам биздан устун эди. Тажовузкорлик, иштиёқ, жасорат етишмади", - дея мураббийнинг сўзларини келтиради Metaratings.
Шунингдек, Уразбахтин 70-дақиқадан кейингина жамоаси ўзи истаган футболни ўйнашга муваффақ бўлганини таъкидлади.
Бу ўйиндан сўнг "Қайрат" 1 очко билан 35-ўринда бормоқда, "Копенгаген" 4 очко билан 29-ўринда бормоқда.
