"Монако" устози Себастьен Поконьоли Кипрнинг "Пафос" клубига қарши кечган чемпионлик учрашуви якунларига изоҳ берди. Мусобақа умумий босқичининг 5-туридан ўрин олган ўйин 2:2 ҳисобида якунланди.
"Ўйлашимча, бизда кўпроқ вазиятлар бўлди. Ўйинни яхшироқ назорат қилишимиз керак эди, айниқса ҳисобда олдинда бўлганимизда. Бу натижани бир очкони қўлга киритиш сифатида қабул қилиш керак, чунки бизда ҳали ҳам олдинга чиқиш учун имкониятлар бор", - дея Поконьолининг сўзларини келтиради УEФА расмий сайти.
Турнир жадвалида "Монако" ва "Пафос" бир-бирига қўшни бўлиб, 23 ва 24-ўринларни эгаллаб турибди. Иккала клуб ҳам 6 очкодан жамғарди.
