"Манчестер Юнайтед"нинг собиқ футболчиси Луи Саа "Барселона" вингери Ламин Ямални огоҳлантирди.

Саанинг фикрича, чалғитувчи омиллар ва футболга бўлган қизиқишнинг йўқлиги Ямалга Лео Месси даражасига чиқишга имкон бермайди.

"Ямал Месси даражасига эриша оладими ва ундан ўзиб кета оладими? Бу унинг учун яхши бўларди, лекин мен бундай деб ўйламайман. Ямалда бир хислат бор, аммо Криштиану Роналду каби футболга муккасидан кетганини кўрмаяпман. Бу болалар том маънода ақлдан озган. Ямалнинг атрофида эса ҳозирданоқ чалғитувчи омиллар жуда кўп. Қўрқаманки, уни ҳам Неймар каби четга олиб кетишади. Назаримда, Неймар Ямалдан ҳам иқтидорлироқ эди," - деди Саа.

Ламин Ямал 2025 йилги "Олтин тўп" учун овоз беришда иккинчи ўринни эгаллади.