"Ливерпуль" бош мураббийи Арне Слот Чемпионлар Лигасида ПСВдан учралган мағлубиятдан кейин жамоанинг ҳолати ҳақида гапирди.
Эслатиб ўтамиз, мерсисайдликлар ўз майдонида рақибга йирик 1:4 ҳисобида имкониятни бой бериб қўйди.
"Ғалаба учун саволларга керакли жавобни топишга ҳаракат қиляпмиз. Охир-оқибат, асосийси, бу клуб нима учун мавжуд бўлса, шуни қилиш: курашишда давом этиш, биз биргаликда курашишимиз керак," - дея мутахассиснинг сўзларини келтиради Фабрицио Романо.
У жамоа қандай ўйнаганидан қатъи назар - мағлуб бўлганми, ғалаба қозонганми ёки рақиб билан очко бўлишганми - ўз қарорларини доимий равишда таҳлил қилишини қўшимча қилди.
