"Барселона" бош мураббийи Ханс-Дитер Флик матбуот анжуманида қанот ҳужумчиси Ламин Ямалнинг Чемпионлар лигаси доирасидаги "Челси"га қарши ўйинда алмаштирилганидан норози бўлганига изоҳ берди.
"Ямалнинг аҳволи яхши, ўзини яхши ҳис қиляпти. Кўплаб ўйинчилар алмаштирилганидан норози. Футболчи бўлганимда, мен ҳам кўпинча нотўғри муносабатда бўлардим. Кукурелья дунёдаги энг яхши қанот ҳимоячиларидан бири. Ҳозир Ямал "Челси" билан ўйинни унутиб, олдинга қадам ташлаши ва у қанчалик яхши эканини кўрсатиши керак," - деди Флик журналистларга.
"Барселона" навбатдаги ўйинини 29 ноябрь куни Испания чемпионатида ўз майдонида "Алавес"га қарши ўтказади.
