Ҳафта давомида "Манчестер Сити" Чемпионлар лигасида ўз майдонида "Байер"га 0:2 ҳисобида ютқазди. Жума куни бўлиб ўтган матбуот анжуманида Хосеп Гвардиола ушбу натижа ҳақида гапирди. У майдонга тушган ўйинчиларни танқид қилди.
"Биз шунчаки ҳаракат қилмадик. Майдонга тушаётганда синаб кўриш ва ғалаба қозонишга ҳаракат қилиш керак. Шу холос. Ҳа, менда ротация назарияси бўлиши мумкин. Таркибни бироз алмаштирил керак, бусиз жисмоний ҳолатни сақлаб бўлмайди. Аммо мен жамоага ишонаман ва футболчиларни жуда қадрлайман. Балки мен уларни ўзларидан кўра кўпроқ қадрларман. Бу мен учун мураббий сифатида яхши дарс бўлди, келажак учун фойдали дарс бўлди," - деди Гвардиола матбуот анжуманида.
29 ноябрь, шанба куни "Манчестер Сити" Премьер-лигада "Лидс"ни қабул қилади.
