Англия терма жамоасининг собиқ футболчиси Пол Мерсон "Ливерпуль" бош мураббийи Арне Слотнинг келажаги борасида фикр билдирди.
Мерсисайдликлар сўнгги 12 учрашувда атиги учта ғалабага эришган - қолган ўйинларда Слот жамоаси мағлуб бўлган.
"Ноябрь ойи тугаб бормоқда, Слот эса, менимча, ҳали ҳам ўзининг энг яхши таркибини билмайди. Лекин мен Слотга вақт бериш керак деб ҳисоблайман. Ҳар йили чемпионликни қўлга киритиб бўлмайди", - дея Мерсоннинг сўзларини келтиради Sportskeeda.
"Қизиллар" АПЛ турнир жадвалида 18 очко билан 12-поғонада бормоқда. Якшанба куни Слот жамоаси "Вест Хэм" меҳмони бўлади.
