"Бавария" ўз майдонида Германия Бундеслигасининг 12-турида "Санкт-Паули"ни мағлуб этди - 3:1.

Учрашувнинг 6-дақиқасида меҳмонлар форварди Андреа Унтонжи ҳисобни очди. Мюнхенликлар 44-дақиқада Рафаэль Геррейрунинг голи эвазига жавоб қайтарди. 90+3-дақиқада мезбонлар Луис Диаснинг голи эвазига олдига чиқиб олган бўлса, орадан 4 дақиқа ўтиб Николас Жексон якуний ҳисобни ўрнатди.

"Бавария" 34 очко билан Бундеслигада пешқадамликни давом эттирмоқда. "Санкт-Паули" (7) Германия чемпионатида қаторасига 9-мағлубиятини қабул қилиб олди ва 17-ўринда бормоқда.

Параллел ўйинларда "Хоффенхайм" "Аугсбург"ни йирик ҳисобда мағлуб этди (3:0), "Унион" "Хайденхайм"га ютқазди (1:2), "Вердер" ва "Кёльн" дуранг ўйнади (1:1).

Бундеслига. 12-тур

29 ноябрь, 19:30

Бавария - Санкт-Паули - 3:1

Голлар: Унтонджи, 6 (0:1). Рафаэл Геррейру, 44 (1:1). Диас, 90+3 (2:1). Джексон, 90+6 (3:1)

Бавария: Нойер, Ким Мин Джэ (Горецка, 77), Та, Бишоф, Лаймер (Олисе, 46), Киммих, Павлович (Джексон, 83), Рафаэл Геррейру (Станишич, 65), Диас, Карл (Гнабри, 65), Кейн

Санкт-Паули: Василь, Смит, Метс, Валь, Сэндс, Рицка (Оппи, 68), Пырка, Ирвайн (Сисей, 68), Фудзита, Унтонджи (Синани, 18), Перейра Лаж (Меткалф, 87)

Огоҳлантиришлар: Та, 83 - Метс, 39