Италиянинг "Милан" клуби этакчиларидан бири Рафа Леау жамоа натижалари ҳақида фикр билдирди.
"Мен марказий ҳужумчи сифатида ўйнашни энди ўрганяпман. Скудетто? Ўйлайманки, биз тўғри йўлдамиз. Олдинда ҳали кўп ўйинлар бор, лекин фақат чемпионат эмас, Кубок ҳам биз учун устувор. Аллегри - ғолиб, у ҳамма нарсани ютишни хоҳлайди. У бир вақтлар "Милан"да бўлган тажрибали мураббий, у бу клуб қандай эканини билади, у асосий таркибга тушмайдиган футболчилар билан ҳам тил топишишни билади", - дея таъкидлади Рафаэль.
Жорий мавсумда 26 ёшли португалиялик барча мусобақаларда 10 та ўйин ўтказиб, 6 та гол ва битта ассистни ўз ҳисобига ёздириб қўйди.
