Дортмунднинг "Боруссия" клуби ва Германия терма жамоаси ҳимоячиси Нико Шлоттербек клуб билан шартномани узайтириш ниятида эмас, деб ёзади Bild.
Немис клуби футболчига маошини уч баробардан кўпроқ - 2,5 млн евродан 8 млн еврогача оширишни таклиф қилган. Бироқ, футболчи фаолиятини давом эттиришнинг бошқа вариантларини кўриб чиқмоқда. Футболчининг "Боруссия" билан амалдаги меҳнат шартномаси 2027 йилгача мўлжалланган. Футболчига "Бавария", "Реал" ва "Барселона" клублари қизиқиш билдирмоқда.
Жорий мавсумда футболчи клуб сафида барча мусобақаларда 13 та ўйинда майдонга тушиб, 1 та голли узатмани амалга оширди. "Transfermarkt" портали ҳимоячининг трансфер қийматини 40 млн еврога баҳоламоқда.
