"Реал"нинг афсонавий ҳимоячиси Марселонинг ўғли - 16 ёшли Энцо Алвес Мадрид жамоаси сафида УЕФА Ёшлар лигасида дебют қилди.
Ёш форвард "Реал"нинг "Олимпиакос"га қарши ўйинида (2:0) захирадан майдонга тушди. Трибунада ўғлининг чиқишини Марселонинг ўзи кузатди, ҳатто бу ҳолатни телефонга ёзиб олишга ҳам улгурди.
Чап қанот ҳимоячиси сифатида шуҳрат қозонган отасидан фарқли ўлароқ, Энцо ҳужумда ҳаракат қилади. Бир йил олдин "Реал" у билан шартномани 2027 йилгача узайтирганди.
Аввалроқ Алвес Испания U-15 ва U-17 терма жамоаларида ўйнаган ва у ерда етакчилик қобилиятини намойиш этган, жумладан, октябрь ойида Данияга қарши ўйинда гол урган.
Марсело, ўз навбатида, "Реал" сафида 550 га яқин ўйин ўтказиб, 24 та йирик соврин, жумладан, бешта Чемпионлар Лигаси. У "Флуминенсе" билан Либертадорес кубогини қўлга киритганидан сўнг, 2025 йилда фаолиятини якунлади.
