"Ливерпуль" Премьер-лига доирасида ўз майдонида "Сандерленд" билан дуранг ўйнади (1:1). "Қора мушуклар" 67-дақиқада ҳисобда олдинга чиқиб олишди, мезбонлар бунга фақат 81-дақиқада жавоб беришди.
"Ажойиб "Сандерленд", Премьер-лига учун ажойиб янги жамоа. "Ливерпуль"га келсак... Гап ҳатто дурангда ҳам эмас, ўйинда - у хавотир уйғотади. Бугун жамоа "Вест Хэм"га қарши ўтган ўйиндан бир қадам ортга чекинди. "Ливерпуль" исталган вақтда гол уришга қодирлиги сезилмади. Энергия, тезлик етишмайди. Ҳақиқатан ҳам ачинарли", - деди Sky Sports эксперти Жейми Каррагер учрашувдан сўнг.
Арне Слот жамоаси 14 турдан сўнг 22 очко билан жадвалда саккизинчи ўринда бормоқда. "Сандерленд" 23 очко билан олтинчи ўринда.
