"Ливерпуль" ярим ҳимоячиси Флориан Вирц "Сандерленд"га (1:1) қарши ўйин якунида журналистлар билан суҳбатлашди.
Германиялик футболчининг зарбасидан сўнг тўп рақиб футболчисига теккан ҳолда дарвозага кириб кетди, бу автогол "қизиллар"ни ўз майдонидаги мағлубиятдан қутқариб қолди.
"Биз ғалаба қозонишни хоҳлагандик, аммо афсуски, омадимиз келмади. Жамоада мени жуда яхши кутиб олишди, бу ерда ўйнаётганимдан хурсандман. Биз тўғри йўлдамиз ва яна ғалаба қозонишни бошлаш учун қўлимиздан келганини қилмоқдамиз. Биз турнир жадвалининг юқори қисмида бўлишни истаймиз - шунчаки тинимсиз ишлашда давом этишимиз керак. Умид қиламанки, ҳаммаси яхши томонга ўзгаради," - дея Вирцнинг сўзларини келтиради BBC.
