"Liverpul" yarim himoyachisi Florian Virs "Sanderlend"ga (1:1) qarshi o‘yin yakunida jurnalistlar bilan suhbatlashdi.

Germaniyalik futbolchining zarbasidan so‘ng to‘p raqib futbolchisiga tekkan holda darvozaga kirib ketdi, bu avtogol "qizillar"ni o‘z maydonidagi mag‘lubiyatdan qutqarib qoldi.

"Biz g‘alaba qozonishni xohlagandik, ammo afsuski, omadimiz kelmadi. Jamoada meni juda yaxshi kutib olishdi, bu yerda o‘ynayotganimdan xursandman. Biz to‘g‘ri yo‘ldamiz va yana g‘alaba qozonishni boshlash uchun qo‘limizdan kelganini qilmoqdamiz. Biz turnir jadvalining yuqori qismida bo‘lishni istaymiz - shunchaki tinimsiz ishlashda davom etishimiz kerak. Umid qilamanki, hammasi yaxshi tomonga o‘zgaradi," - deya Virsning so‘zlarini keltiradi BBC.