Мадриднинг "Реал" клуби ярим ҳимоячиси Федерико Вальверде "Атлетик"ка (3:0) қарши ўйиндан кейин Килиан Мбаппенинг ҳаракатлари ҳақида фикр билдирди.

Франциялик футболчи 7 ва 59-дақиқаларда гол урган бўлса, 42-дақиқада Эдуардо Камавинганинг голига ассистентлик қилди.

"Таркибда ҳар доим гол ура оладиган футболчи бўлиши жуда муҳим. Бу бизни қувонтиради ва руҳлантиради. Килиан биз билан бўлгани жуда яхши. У жамоа учун жуда яхши ишлайди ва ҳужумда фойдали ҳаракатлар ҳақида гап кетганда, у бизга керак бўлган ҳамма нарсани бера олишини биламиз," - деди Федерико Вальверде ўйиндан кейинги интервьюсида.

Килиан Мбаппе Ла Лига тўпурарлари рўйхатида 15 та учрашувда 16 та гол урган ҳолда пешқадамлик қилмоқда.