Бразилиянинг "Сантос" клуби ҳужумчи Неймар билан шартномани узайтиришга ҳаракат қилмоқда. Бу ҳақда журналист Николо Скира Х ижтимоий тармоғида маълум қилди.
"Сантос" Неймар билан декабрь ойи охирида тугайдиган шартномани узайтиришга ҳаракат қилмоқда. Бир неча клублар футболчини сотиб олиш ҳақида ўйламоқда, аммо бразилияликлар суперюлдузни сақлаб қолишига ишонмоқда," - деб ёзади Скира.
33 ёшли Неймарнинг "Сантос" билан амалдаги келишуви 2025 йилнинг 31 декабрида якунига етади. У Бразилия А Сериясининг жорий мавсумида 19 та ўйинда майдонга тушиб, 8 та гол урди ва 1 та голли узатмани амалга оширди. Transfermarkt бразилиялик футболчининг нархини 11 млн еврога баҳоламоқда.
