"Бавария" бош мураббийи Венсан Компани МЛС кубогининг бўлажак финали ҳақида фикр билдирди. Унда эртага, 6 декабрь куни "Интер Майами" ва "Ванкувер Уайткэпс" жамоалари ўзаро баҳс олиб боради.
Канада клуби таркибида "Бавария" тизимида 25 йил ўтказган германиялик Томас Мюллер ўйнайди. У 17 йил давомида жамоанинг асосий таркибида 756 та ўйин ўтказиб, 250 та гол урган.
"Умид қиламизки, у ғалаба қозонади, бутун Мюнхен "Ванкувер"га мухлислик қилади. Назаримда, Томас ҳамон биз билан бирга. Уни кузатиб борамиз. Мюллер учун бу одатий ҳол: Канададаги клубни танлаш ва у билан дарҳол финалга чиқиш. Бу омад эмас, бу шунчаки Томас," - дея Компанининг сўзларини келтиради "Бавария" расмий сайти.
