АҚШ терма жамоаси бош мураббийи Маурисио Почеттино ЖЧ-2026 қуръаси натижалари ҳақида фикр билдирди.
АҚШ терма жамоаси Австралия, Парагвай ва С плей-офф ғолиби (Туркия/Руминия/Словакия/Косово) билан бир гуруҳдан жой олади.
"Биз яқинда Парагвай ва Австралия билан ўйнадик ва бизда жуда янги билимлар бор. Оптимист бўлишимиз, курашишда давом этишимиз керак. Ҳозир биз фақат жамоаларни таҳлил қилишимиз ва бир неча ойдан кейин нима бўлишини кўришимиз мумкин. Биз барча рақибларни ҳурмат қилишимиз керак. Ҳаммаси осон бўлмайди. Ва албатта, кўрамиз, яна қайси жамоа бизга қўшилади. Ҳурмат билан, лекин ҳа, биз олдинга кейинги босқичга чиқишимиз мумкинлигига ишонамиз," - дея Почеттинонинг сўзларини келтиради The Athletic.
Жаҳон чемпионати 2026 йилнинг 11 июнидан 19 июлига қадар АҚШ, Канада ва Мексикада бўлиб ўтади. Унда илк бор 48 та жамоа 12 та гуруҳга бўлинган ҳолда иштирок этади. Мусобақанинг очилиш ўйинида Мексика ва ЖАР терма жамоалари беллашади.













