Аргентиналик ҳужумчи Лионель Месси профессионал фаолиятида учинчи мамлакат чемпионлигини қўлга киритди. 2025 йилги MLS кубоги плей-офф финалида унинг "Интер Майами" жамоаси "Ванкувер Уайткэпс"ни 3:1 ҳисобида мағлуб этди.
Месси АҚШда илк бор мамлакат чемпионгини қўлга киритди ва шу тариқа Испания ва Франциядан кейин учинчи лигада ғолиб чиқди. Испанияда "Барселона" таркибида Лионель 10 марта мамлакат чемпионлигини қўлга киритган. Францияга келсак, аргентиналик юлдуз француз гранди сафида "Пари Сен-Жермен" билан икки марта Лига 1 совринини қўлга киритган.
Месси 2023 йилдан бери "Интер Майами" шарафини ҳимоя қилмоқда. Унинг клуб билан шартномаси 2028 йилгача мўлжалланган. Жорий мавсумда у барча мусобақаларда 41 та ўйинда майдонга тушиб, 38 та гол урди ва 23 та голли узатмани амалга оширди.
