"Сельта" бош мураббийи Клаудио Хиральдес Мадриднинг "Реал" клуби билан бўлиб ўтган учрашувни сарҳисоб қилди. Ла Лиганинг 15-турида Виго клуби 2:0 ҳисобида ғалаба қозонди.
"Ўтган мавсумда "Хетафе"да содир бўлган воқеалар анча муҳим аҳамиятга эга, чунки биз еврокубокларга чиқа олдик. "Бернабеу"да ғалаба қозониш барча учун ёқимли, аммо бу бор-йўғи 3 очко ва улар бошқа ҳар қандай очко билан бир хил қийматга эга", - дея Хиральдес сўзларини келтиради Mudo Deportivo.
Бу ўйиндан кейин "Сельта" 19 очко билан ўнинчи, "Реал" 36 очко билан иккинчи ўринда бормоқда.
