Грециянинг "Олимпиакос" клуби устози Хосе Луис Мендилибар Чемпионлар лигаси доирасида Қозоғистоннинг "Қайрат" клубига қарши ўйин олдидан ўтказилган матбуот анжуманида чиқиш қилди.
"Қайрат"ни ўрганишга кўп вақтимиз бўлмади. Улар ҳар доим сифатли ва очиқ ўйнашади, яхши ҳужум қилишади ва тартибли ҳимояланишга ҳаракат қилишади. Ўйлайманки, жамоалардан бирортаси яққол устунликка эга эмас," - дея мураббийнинг сўзларини келтиради sportarena.kz.
Турнир жадвалида "Қайрат" 1 очко билан 35-ўринда бормоқда. "Олимпиакос" ҳисобида 2 очко бор ва жамоа мусобақа жадвалида 33-ўринни эгаллаб турибди.
