Лиссабоннинг "Спортинг" клуби бош мураббийи Руй Боржес Чемпионлар лигаси доирасида Мюнхеннинг "Бавария" клубига қарши кечадиган ўйинни кутиб, ОАВ олдида чиқиш қилди.
"Бу ниҳоятда мураккаб учрашув. Ўйлайманки, Европанинг энг яхши жамоасига қарши ўйнаймиз. Индивидуал истеъдодлардан ташқари, уларда ғайриоддий жамоавий куч мавжуд бўлиб, бу вазифани мураккаблаштиради. Уларнинг ўйини жуда ҳаракатчан. Бу ажойиб мураббийга эга ажойиб жамоа. Қийин бўлишига қарамай, рақобатлашиш ва ғалаба қозонишга ҳаракат қилиш учун қўлимиздан келганини қиламиз", - дея мураббийнинг сўзларини келтиради Bavarian Football Works.
"Бавария" очколарини 12тага етказиб, 3-ўринда, "Спортинг" 10 очко билан 8-ўринда бормоқда.













