Испания ҳакамлар техник қўмитаси (CTA) президенти Фран Сото Ла Лига 15-туридан ўрин олган "Реал" - "Сельта" (0:2) учрашуви ҳаками Алехандро Кинтеронинг ишига баҳо берди.
Ушбу ўйинда Кинтеро мадридликлар ҳимоячилари Фран Гарсия ва Альваро Каррерасни майдондан четлатди, шунингдек, захира ўриндиғида ўтирган Эндрикка қизил карточка кўрсатди.
"Ҳакамликдан мамнунмиз. Албатта, Кинтеро бу мавсумда "Реал" ўйинларини бошқариши мумкин, агар буни мақсадга мувофиқ деб ҳисобласак," - деди Сото.
Унинг тушунтиришича, ҳакамларни тайинлаш қўмитаси "барча ҳакамлар ҳар бир клубнинг ҳеч бўлмаганда битта ўйинини бошқариши" ва қарорлар "ташқи ёки ички вето ҳуқуқисиз" қабул қилиниши устида ишламоқда.
