Бразилиялик футболчи Тьяго Силва Италиянинг "Милан" клубига қайтиши мумкинлиги ҳақида бир неча бор хабар берган эдик. Буни ESPN Brasil журналисти Чичеро Мелло ҳам тасдиқлайди.
"Бу ҳақиқий қизиқиш, Тьягога "Милан" қизиқмоқда, клубга унинг тажрибаси керак. Ҳал қилувчи омил эса оила бўлиши мумкин. Унинг оиласи Лондонда яшайди, ўғли биринчи профессионал шартномани имзолаган. Бразилиядан у ёққа учиш узоқ. Италиядан эса - бошқа масала," - деди Мелло.
Силва 2009-2012 йилларда "Милан" шарафини ҳимоя қилган. Ҳозирда у Бразилиянинг "Флуминенсе" клуби сафида ўйнамоқда.
