"Реал" бош мураббийи Хабил Алонсо Чемпионлар Лигаси умумий босқичининг 6-туридан ўрин олган "Манчестер Сити"га (1:2) қарши ўйиндан сўнг истеъфога чиқарилмайди, дея хабар бермоқда Испаниянинг нуфузли нашрлари Marca ва AS.
Аввалроқ ОАВ испаниялик мутахассис "Сити" билан ўйин муваффақиятсиз якунланган тақдирда истеъфога чиқарилиши мумкинлиги ҳақида ёзганди.
Алонсо ёзда "Реал"ни қабул қилиб олди. Унинг қўл остида жамоа 28 та ўйин ўтказиб, 19 та ғалаба, 4 та дуранг ва 5 та мағлубият қайд этган.
"Реал" Ла Лигада "Барселона"дан 4 очко ортда қолиб, 2-ўринда бормоқда. Чемпионлар Лигасида Мадрид жамоаси 12 очко билан 7-ўринни эгаллаб турибди.
