Марокашнинг Африка Кубоги учун таркиби эълон қилинди.
Бош мураббий Валид Реграги 21 декабрь куни бошланадиган турнирда Марокаш шарафини ҳимоя қиладиган 28 нафар футболчи рўйхатини тақдим этди.
Эслатиб ўтамиз, ушбу рўйхатдан жароҳатидан тикланаётган Ашраф Ҳакимий ва Софьян Амрабат ҳам ўрин олган. Сонида яқинлаштирувчи мушак билан муаммоларга дуч келаётган Ҳамза Игаман захира ўйинчиси сифатида рўйхатга киритилган.
Ўйинчиларнинг тўлиқ рўйхати қуйидагича:
Дарвозабонлар: Ясин Буну («Ал-Ҳилол»), Мунир Муҳаммади (РСБ), Ал-Маҳди Ал-Ҳаррар («Ража Касабланка»).
Ҳимоячилар: Ашраф Ҳакимий («ПСЖ»), Муҳаммад Шиби («Пирамидс»), Жавад Ал-Ямиқ («Ал-Нажма»), Ромен Саисс («Ас-Садд»), Абдулҳамид Аит Будлал («Ренн»), Найеф Агерд («Марсель»), Адам Мазина («Торино»), Нуссаир Мазрауи («Манчестер Юнайтед»), Анасс Салаҳ-Эддин (ПСВ).
Ярим ҳимоячилар: Уссама Таргаллин («Фейеноорд»), Софьян Амрабат («Бетис»), Исмоил Сайбари (ПСВ), Нел Эль-Энауи («Рома»), Билол Эль-Ханнус («Штутгарт»), Аззедин Унаи («Жирона»).
Ҳужумчилар: Браим Диас («Реал»), Ильяс Ахомаш («Вильярреал»), Шамсдин Тальби («Сандерленд»), Юссеф Эн-Несири («Фенербахче»), Аюб Эль-Кааби («Олимпиакос»), Суфьян Раими («Ал-Айн»), Абде Эззальзули («Бетис»), Элисс Бен-Сегир («Байер»).
Захира ўйинчилари: Юссеф Беламмари («Ража Касабланка»), Хамза Игаман («Лилль», Лига 1).
