Ҳуқуқлари Мюнхеннинг "Бавария" клубига тегишли бўлган ҳужумкор ярим ҳимоячи Майкл Олисе трансфер бозорида харидоргир.
Kicker журналистларининг маълумотига кўра, АПЛнинг бир қатор клублари франциялик вингер учун 100 миллион евродан кўпроқ маблағ таклиф қилишга тайёр. Шунингдек, "ПСЖ" ва номи ошкор этилмаган испан клуби ҳам Олисе учун курашга қўшилишга тайёр.
24 ёшли француз ўтган йилнинг ёзида "Кристал Пэлас"дан "Бавария" сафига келиб қўшилган эди. Томонлар ўртасидаги шартнома 2029 йил июнь ойи охиригача мўлжалланган бўлиб, унинг бозор қиймати 130 миллион еврога баҳоланмоқда.
Олисе Бундеслиганинг жорий мавсумида 13 та ўйин ўтказиб, 6 та гол ва 8 та голли узатмани ўз ҳисобига ёздириб қўйди.
