Huquqlari Myunxenning "Bavariya" klubiga tegishli bo‘lgan hujumkor yarim himoyachi Maykl Olise transfer bozorida xaridorgir.
Kicker jurnalistlarining ma’lumotiga ko‘ra, APLning bir qator klublari fransiyalik vinger uchun 100 million yevrodan ko‘proq mablag‘ taklif qilishga tayyor. Shuningdek, "PSJ" va nomi oshkor etilmagan ispan klubi ham Olise uchun kurashga qo‘shilishga tayyor.
24 yoshli fransuz o‘tgan yilning yozida "Kristal Pelas"dan "Bavariya" safiga kelib qo‘shilgan edi. Tomonlar o‘rtasidagi shartnoma 2029 yil iyun oyi oxirigacha mo‘ljallangan bo‘lib, uning bozor qiymati 130 million yevroga baholanmoqda.
Olise Bundesliganing joriy mavsumida 13 ta o‘yin o‘tkazib, 6 ta gol va 8 ta golli uzatmani o‘z hisobiga yozdirib qo‘ydi.
