"Олтин тўп-2025" соҳиби, Франциянинг "ПСЖ" клуби вингери Усмон Дембеле якка тартибда машғулот ўтказишни бошлади. Бу ҳақда Париж гранди матбуот хизмати хабар бермоқда.
Жароҳат туфайли ҳужумкор ярим ҳимоячи Европа Чемпионлар Лигаси умумий босқич 6-туридан ўрин олган Бильбаонинг "Атлетик" клубига қарши кечган баҳсда иштирок эта олмади. Учрашув 0:0 ҳисобидаги дуранг билан якунланди.
Дембеленинг трансфер нархи 100 миллион еврога баҳоланмоқда. Усмон ва парижликлар ўртасидаги амалдаги меҳнат шартномаси 2028 йил июнь ойи охирида тугайди.
Франция чемпионатининг жорий мавсумида вингер 8 та ўйин ўтказиб, 2 та гол ва 2 та голли узатмани ўз ҳисобига ёздириб қўйди.
