"Интер Майами" 2025 йилги мавсумни МЛСдаги ғалаба билан якунлади. Ўтган ҳафтада бўлиб ўтган финалда Хавьер Маскерано жамоаси "Ванкувер Уайткэпс"дан устун келди (3:1). Мавсум якунларига кўра, клубнинг энг яхши футболчиси деб Лионель Месси эътироф этилгани ажабланарли ҳолат эмас, энг яхши ҳимоячи унвонига эса Жорди Альба сазовор бўлди. Иккала футболчи ўтган йили ҳам худди шу мукофотларга сазовор бўлган эди.
Эслатиб ўтамиз, Месси МЛС мунтазам чемпионатининг энг яхши тўпурари ва мавсумнинг энг яхши футболчисига айланди.
Альба "Ванкувер" билан ўйиндан сўнг фаолиятини якунлади. Шунингдек, ярим ҳимоячи Серхио Бускетс ҳам бутсаларини михга илди.
