Аввалроқ, Мадриднинг "Реал" клуби собиқ ҳимоячиси Альваро Арбелоа "қаймоқранглилар" бошқарувига келиши мумкинлиги ҳақида хабарлар тарқалган эди. Бу маълумотга ҳозирда мадридликлар ёшлар жамоасини бошқараётган Арбелоанинг ўзи изоҳ берди.
"Мен "Кастилья" мураббийиман. Мен айнан шунга эътибор қаратяпман. Мен учун бошқа ҳеч нарса мавжуд эмас," - дея мутахассиснинг сўзларини келтиради Cadena SER.
Миш-мишларга кўра, мадридликлар Испания чемпионатининг 15-турида "Алавес"ни мағлуб этмаса, Арбелоа "Реал" устози Хаби Алонсонинг ўрнини эгаллаши мумкин. Учрашув 14 декабрь куни бўлиб ўтади.
Айни пайтда "Реал" Ла Лига турнир жадвалида 36 очко билан 2-ўринда бормоқда.
