"Олтин тўп" соҳиби, франциялик ҳужумчи Карим Бензема фаолиятини бошлаган "Лион"га қайтишга тайёрми ёки йўқлиги ҳақида гапирди.
"Қайтишим мумкинлигини аниқ айтиш қийин. Футболда фол очиб бўлмайди. Балки ҳаммасини шундайлигича қолдирган маъқулдир. "Лион"га бошқа вазифаларда ёрдам беришим мумкинлигини истисно қилмайман. Футболчи сифатида эса билмайман," - дея 37 ёшли юлдуз ҳужумчининг сўзларини келтиради Lequipe.
Бензема "Лион" академияси тарбияланувчиси ҳисобланади.
2023 йилдан буён ҳужумчи Саудия Арабистонининг "Ал-Иттиҳод" клуби шарафини ҳимоя қилиб келмоқда. Каримнинг клуб билан меҳнат шартномаси келаси йилнинг июнь ойи охирида ўз ниҳоясига етади. Унинг бозор қиймати етти миллион еврога баҳоланмоқда.
