"Oltin to‘p" sohibi, fransiyalik hujumchi Karim Benzema faoliyatini boshlagan "Lion"ga qaytishga tayyormi yoki yo‘qligi haqida gapirdi.
"Qaytishim mumkinligini aniq aytish qiyin. Futbolda fol ochib bo‘lmaydi. Balki hammasini shundayligicha qoldirgan ma’quldir. "Lion"ga boshqa vazifalarda yordam berishim mumkinligini istisno qilmayman. Futbolchi sifatida esa bilmayman," - deya 37 yoshli yulduz hujumchining so‘zlarini keltiradi Lequipe.
Benzema "Lion" akademiyasi tarbiyalanuvchisi hisoblanadi.
2023 yildan buyon hujumchi Saudiya Arabistonining "Al-Ittihod" klubi sharafini himoya qilib kelmoqda. Karimning klub bilan mehnat shartnomasi kelasi yilning iyun oyi oxirida o‘z nihoyasiga yetadi. Uning bozor qiymati yetti million yevroga baholanmoqda.
