Испания Ла Лигасининг якшанба кунги "Леванте" - "Вильярреал" учрашуви қолдирилди. "Қизил-кўклар" сайтида ёзилишича, минтақадаги об-ҳаво маълумоти туфайли ўйинни бошқа муддатга кўчириш сўралган. Кучли ёмғирлар туфайли ҳукумат хавфнинг қизил даражасини эълон қилди. Испания Қироллик футбол ассоциацияси сўровни маъқуллади.
"Леванте" - "Вильярреал" учрашувининг янги санаси кейинроқ эълон қилинади. Мухлислар харид қилган чипталар ўз кучида қолади.
Эслатиб ўтамиз, "Вильярреал" Ла Лига турнир жадвалида учинчи, "Леванте" эса сўнгги поғонада бормоқда.
