Ispaniya La Ligasining yakshanba kungi "Levante" - "Vilyarreal" uchrashuvi qoldirildi. "Qizil-ko‘klar" saytida yozilishicha, mintaqadagi ob-havo ma’lumoti tufayli o‘yinni boshqa muddatga ko‘chirish so‘ralgan. Kuchli yomg‘irlar tufayli hukumat xavfning qizil darajasini e’lon qildi. Ispaniya Qirollik futbol assosiasiyasi so‘rovni ma’qulladi.
"Levante" - "Vilyarreal" uchrashuvining yangi sanasi keyinroq e’lon qilinadi. Muxlislar xarid qilgan chiptalar o‘z kuchida qoladi.
Eslatib o‘tamiz, "Vilyarreal" La Liga turnir jadvalida uchinchi, "Levante" esa so‘nggi pog‘onada bormoqda.
