"Барселона" Ла Лига турнир жадвалида пешқадамликни давом эттирмоқда.
16-турда "блауграна" "Осасуна"ни мағлуб этди (2:0) ва "Алавес"ни мағлуб этган "Реал"дан (2:1) 4 очко олдинда бормоқда. Каталонияликлар ва мадридликлар мос равишда 43 ва 39 очко жамғаришди.
"Вильярреал" эса иккита захира ўйини билан 35 очко тўплаган ҳолда учинчи ўринда бормоқда.
"Валенсия" устидан қозонилган ғалабадан сўнг (2:1) очколари сонини 34 тага етказган "Атлетико" кучли тўртликни якунлаб берди.
5-ўринни 30 очко билан "Эспаньол" эгаллаб турибди.
6-ўриндаги "Бетис" (24) ва 13-ўриндаги "Райо Вальекано" (17) душанба куни ўйин ўтказади.
