"Челси" Энцо Маресканинг клубдаги "энг ёмон 48 соат" ҳақида ғалати фикр билдирганидан кейин бош мураббийни ўзгартириши мумкин. Daily Express нашри тарқатган хабарга кўра "аристократлар" Мареска билан хайрлашган тақдирда клуб мурожаат қилиши мумкин бўлган мутахассислар рўйхатини тузиб чиқишган.
Қисқа рўйхат қуйидагича кўриниш олди: Эрик тен Хаг, Зинедин Зидан, Гарет Саутгейт, Лиам Росеньор, Фрэнк Лэмпард, Брендан Рожерс.
"Челси" Англия чемпионати турнир жадвалида тўртинчи ўринда бормоқда. Жамоа пешқадам "Арсенал"дан 8 очко ортда қолмоқда.
"Челси" навбатдаги ўйинни 16 декабрь куни Лига кубоги доирасида "Кардифф Сити"га қарши ўтказади.
